نوفيلا بسمه امل بقلم روز امين

والتي أردفت بسعادة وهي تناولها هديتها 
_ كل سنة وإنت طيبة وبخير يا قلبي
وأكملت حديثها بنبرة حنون
_ وصدقيني لو جبنالك حتة من القمر مش هيبقا كتير عليكي
إحتضنت شقيقتها وشكرتها بحفاوة
إقتربت منها راوية وأردفت بإبتسامة منافقة وهي تعطيها هديتها التي كانت عبارة عن محفظة صغيرة بثمن زهيد بخس  
_ كل سنه وإنتي طيبة يا أم كارما معلش بقا هديتي مش أد كدة السنة دي لكن إنت طبعا تستاهلي الدنيا كلها
إبتسمت لها أمل بسعادة وتحدثت بوجه بشوش ونبرة صادقة 
_ ما تقوليش كدة يا ماما ده كفاية أوي إن حضرتك إفتكرتيني في اليوم ده
إحتضن أمير والدته بحب قائلا بإمتنان  
_كل اللي ييجي منك بركة يا ست الكل
بدأ الجميع بتناول الحلوي والشطائر المحشوة باللحوم المشوية والنقانق
لوت راوية فاهها وأردفت قائلة بنبرة ساخرة معترضة و هي تفتح إحدي الشطائر وتري ما بداخلها  
_ وكان لزومه أيه البانية والكفته والسجق ما كان كفاية أوي التورتة والحلويات والجاتوة ولا هي مصاريف وبعزقة علي الفاضي يا بنتي
و أكملت بنبرة لائمة كي لا تدع تلك المسكينة تهنئ بيوم ميلادها  
_ مش بيتك كان أولي بيها المصاريف دي هو أبني هيلاحق علي أية ولا أية 
وبلحظة إنطفأت بسمة أمل وتحولت إلي خزلان كسي الحزن ملامحها البريئة وحزن أمير لأجل حبيبته الرقيقة
فأجاب والدته وهو ينظر لها مستعطفا إياها لتصمت وتكف عن أذيت مشاعر زوجته الرقيقة  
_ مصاريف أيه بس إللي بتتكلمي عنها يا ماما ده أنا لو أطول أجيب الدنيا كلها وأحطها تحت رجلين أمل عمري ما كنت هتأخر
وقبل رأس زوجته وأردف قائلا بعيون عاشقة  
_ كل سنه وإنتي سعيدة يا حبيبتي
إبتسمت بسعادة ولهفة لزوجها الحنون حين نظرت شيرين إلي والدتها وأبتسمت بجانب فمها بطريقة ساخرة كي تستدعي ڠضبها أكثر من أمل
إقتربت كارما طفلة أمل الوحيدة البالغة من العمر ست سنوات وقبلت والدتها بسعادة وأردفت قائلة ببرائة 
_ كل سنه وإنت طيبة يا مامي
حملتها أمل وبدأت بتوزيع قبلاتها الحنون فوق جبهتها ووجنتيها وعيناها بنهم وحب وتحدثت مدلله لطفلتها 
_ وإنت طيبة يا قلب مامي
حين تحدثت شيرين بطريقة فظة وتدخل مستفز كي تفرغ حقدها التي تكنه لأمل داخل قلبها الذي لا يحمل لتلك المسكينة سوي الحقد 
_ هو أنت يا أمل مش ناوية تخاوي البنت ولا أية ده اللي من سنك يا حبيبتي معاها طفلين وتلاته كمان 
رمقها زوجها أكرم بنظرة تحذيرية تلاشتها شيرين وأحالت بوجهها عنه بعدم إكتراث
في حين أجابتها أمل بهدوء وثبات إنفعالي متغاضية لهجتها المستفزة  
_كلة بإذن الله يا شيرين
تحدث مصطفي والد زوجها إلي إبنته بعتاب  
_ الحاجات دي بتبقا خاصة بين الراجل ومراته يا بنتي ومش من حق اي حد فينا يتدخل إفرضي إنهم مش عاوزين يجيبوا أولاد تاني نتدخل إحنا بينهم ليه 
قاطعت راوية حديثه بإعتراض ونبرة حادة  
_ فال الله ولا فالك يا مصطفي إن شاء الله يجيبوا بدل الولد إتنين وتلاته كمان ولا عاوزهم يقعدوا علي حتة البنت كده
مالت أشجان صديقة طفولة أمل وأردفت هامسة بدعابة 
_ هو أنت بتجيبي طاقة منين تتحملي بيها الناس العجيبة دي ده أنا مش قادرة أتحملهم الكام ساعه دول
أردفت أمل سريعا بإرتياب  
_ وطي صوتك يا بنتي ل حد فيهم يسمعك ومنخلصش إنهاردة
أردفت أشجان بنبرة ساخرة 
_ لا وعلي أية ربنا يجعل كلامنا خفيف عليهم
أما والدة أمل وشقيقتها رانيا اللتان تقفان جانب وهما تستمعتان لحديث راوية وشيرين اللازع