سر الشيطان الأسود بارت 2.3

ادامى ويطلع اللى انا شفته جد بس وعزه وجلاله الله ما هسكت على اللى انت بتعمله ديه وهروح لابوى وهو يتصرف معاك بقى ....
نائل وصلت لكدا ياروح.....طيب انا هفتحلك الاوضه بس علشان اثبتلك انى غلطانه وانى لا بخبي ولا بدارى وبخاف انا بس بحب احافظ على خصوصياتى ....مع ذلك اتفضلي افتحلك الاوضه..
ويذهب كلا من نائل وروح ناحيه الغرفه المغلقه ويقوم نائل بفتح الغرفه بالمفتاح الخاص بها وتدخل روح الغرفه وتنظر فى ارجائها وكانت الصدمه.......
هذه الصور والطلاسم حقيقه برجاء عدم قرائتها ولا تنفيذها بالبيت نظرت روح بارجاء الغرفه لتجد فعلا ماوصفه نائل الغرفه يملاءها الغبار وعشش العناكب وكراكيب من بعض صور والبومات ولوحات قديمه ولم تصادق روح ما تراه بعينيها حتى وقعت مغشيا عليها....
لتفيق بعد فتره لتجد نفسها بفستان عرسها على السرير بغرفه نومها بمنزل نائل لتستغرب من منظرها ولماذا ارتدت فستان العرس مره اخرى ....لتخرج من الغرفه لتجد نائل نائم على كنبه الصاله لتذهب اليه وتحاول ايقاظه...
روح نائل ....نائل...اصحى انت ايه اللى منيمك هنا ....وايه اللى حصل وليه لبسه فستان الفرح..
نائل صباح الخير ياروح....مفيش جينا على البيت بعد الفرح انتى دخلتى الاوضه وانا دخلت اخد شاور طلعت لاقيتك نايمه مرضتش ازعجك وطلعت اتفرج على التليفزيون وشكلى نمت وانا بتفرج..
روح فرح....فرح مين 
نائل هو في ايه ....جالك فقدان بالذاكره ولا ايه ...فرحنا مش اتجوزنا امبارح يابنتى..
روح امبارح ايه ....احنا مش متجوزين من 4 ايام وامبارح كنت بتكلم معاك على الشخص اللى شفته فى الشقه وفى الاوضه المقفوله دى ...
نائل من 4 ايام.....وكمان بدانا حياتنا بخڼاقه بينا....وكمان فى حد دخل البيت...كل دا كان فى الحلم...ويضحك
روح انت بتضحك على ايه وحلم ايه ....دا حصل فعلا..
نائل ياحبيبتى احنا لسه متجوزين امبارح واكبر دليل انك لسه بفستانك اهو وانا بدلتى على كرسي السفره هناك اهى مش معقول يعنى بقالنا 4 ايام انتى بفستانك وانا بدلتى هناك كدا ...
روح ايوا ...بس ا...ا..
نائل من غير تقطيع فى الكلام تلاقيه بس حلم وحش ولا كابوس ولا حاجه...خدى اشربي كوبايه المايه وانتى هتهدى ...
تلتقط روح منه كاس الماء وتشربه ...
نائل يلا ادخلى غيري هدومك وفوقي كدا وعقبال ما احضر الفطار لينا نفطر سوا...
فى حين ذهبها للغرفه تشعر بدوار وتقع على الارض ويخرج من فمها سائل اخضر....
في منزل انعام......
انعام ازاى ياراجل انت متزوجه من 4 ايام بقولك انا لسه دلوقتى كنت معاها بالاوضه وهى بفستان الفرح...
محمد وبعدهالك عاد....بقولك متجوزه بقالها 4ايام ازاى بقى كانت معاكى بفستان الفرح من شويه....
انعام انا عايزه بنتى يامحمد....جبهالى عندى اهنيه....مش هرتاح غير لما اشوفها بعينى دول..
محمد وبعدين بقى فى اسطوانه كل يوم دى ....ياوليه هو انتى اول ولا اخر واحده تجوز بنتها وبعدين اجبهالك ازاى يعنى لسه مسبعتش ياوليه ياخرفانه عايزه الناس تقول علينا ايه...
انعام انا مليش صالح بالناس انا عايزه بنتى لو مش عايز تجبها اهنيه خدنى انا ليها المهم انى اشوفها واطمن عليها ...
محمد هرن عليها على المحمول وتكلميها ماشي...
يرن محمد على هاتف بنته روح حتى تجيب عليه وبعد الترحيب والسلامات يعطى الهاتف لانعام لتطمئن على بنتها...
انعام الو ...ايوا ياروح يابنتى كيفك وكيف احوالك اتوحشتك اووى ياروحي...
روح ايوا ياما....انا زينه الحمد لله انتى كيفك وانا كمان اتوحشتك قوى قوى ياما....
انعام زينه يابنتى زينه انتى احكيلى وطمنينى عنك يابنيتى ...
روح والله مش عارفه ياما انا مالى ولا فاهمه حاجه خالص...
انعام ليه كدا ياقلبي فيكى ايه...
روح