قصه حمزه

ألفت نظره فيتجوزني! وإزاي أدخل على الأكونت بتاعه أتابعه وأعلق قلبي بيه أكتر وأنا مليش حق أعمل كدا عشان أصبر نفسي على بعده! إذا كنت مملكش الحق بنظرة حتى وبتحاسب عليها وباخد عليا سيئات هروح أزرع نفسي في الأكونت بتاعه
سكتت وبصت بعيد بخجل وهي بتقول
أنا بس..
نفخت
انتي صح يا أمينة.. بس الواحد ساعات بيضعف.
ابتسمت وأنا بوجه وشها ليا

وعشان كدا سيدنا عمر بن عبد العزيز قال أفضل الجهاد جهاد الهوى إوعي تكوني فاكرة الموضوع سهل أو بسيط لكن في المقابل مع كل جهاد نفس ومع كل مرة بتغلبي فيها هواكي فانتي بتاخدي في المقابل حسنات لإنك حرفيا عند ربنا بتجاهدي.. جه في حديث إن الرسول ﷺ قال ثلاث مهلكات شح مطاع وهوى متبع وإعجاب المرء بنفسه رواه البزار والطبراني وحسنه الألباني عارفة يعني إيه الهوى المتبع دا من المهلكات يا ندى مستوعبة أصلا إزاي إن مجرد جري الإنسان ورا شهواته وهواه بدون تفكير بيهلكه تعرفي إن فيه حد من السلف أصلا كان قال عن الهوى دا إنه اتسمى هوى لإني بيهوي بصاحبه في الڼار!
بصت للأرض وسكتت.. وأسماء اتدخلت بلين وهي بتوضح بثبات وبتشد كفها التاني وبتضمه
بس لازم تاخدي بالك إن مش كل الهوى وحش ومذموم يا ندوش.
رفعت راسها باهتمام فأسماء كملت بابتسامة
قال رسول الله ﷺ لا يؤمن أحدكم حتى يكون هواه تبعا لما جئت به حسنه ابن حجر وصححه النووي يعني لما يكون هواكي دا موافق للشرع أو هيخليكي تتبعي سنة النبي وأوامر ربنا بيكون هوى محمود طبعا ولازم تتبعيه يعني من الآخر لازم تفرقي الحلال عن الحړام عشان لما تعوزي تعملي حاجة لو لقيتيها حرام تجاهدي نفسك عشان متقعيش فيها والعكس لو هي حلال.
هزت راسها بفهم وهي بتبصلنا إحنا الاتنين بنظرة امتنان مليانة شكر ومن غير مقدمات قربنا منها إحنا الاتنين وضميناها جامد وكل واحدة فينا بتستخبى من همومها في حضڼ التانية وبجد أنا واثقة إني عمري ما هلاقي علاقة دافية قد علاقتنا دي.
شيء لطيف إنك تلاقي ناس تشبهلك ناس همهم إنت وحزنك مهما كان ناس دافيين بدفا السما والأهم إنهم ناس تحب تتحشر معاهم في الجنة ربنا يكتبهالنا جميعا.
حمزة خطب إمبارح.
ابتسمت بقوة غريبة
الحمد لله.. ربنا يباركله.
بجد
ضحكت وأنا ببصلها
بجد إيه
شاورت عليا من غير تعليق وأنا بهدوء رديت
فيه إيه يا بنتي
نفخت بضيق
انتي اللي فيه إيه بقولك حمزة خطب إمبارح.. إيه مفيش أي ريأكشن
هزيت كتفي ببساطة
ما قولنا الله يباركله ويسعده يا ستي لا إله إلا الله.
بصتلي بعجز عن فهم سر سكوني الغريب ومرة واحدة سابتني وطلعت بغيظ وأنا بهدوء قومت شديت مصليتي عشان أصلي ركعتين لله ومع أول سجدة دموعي نزلت.. هكدب لو قولت مزعلتش خالص ويمكن اللي خلاني بالثبات دا أصلا هو إني عرفت الخبر إمبارح لما سمعت سيف وهو بيقولها وخدت وقت كافي استوعبت فيه صدمتي كويس لكني واثقة أكيد إن ربنا ليه حكمة في الأمر دا حتى لو معرفتهاش و.. الحمد لله يا رب.. الحمد لله.
صعب أوي إنك تلاقي حاجة كنت بتحلم بيها بتتخطف فجأة من بين إيديك وانت مش فاهم ليه والأصعب بيكون هو استيعاب حالة الفقد اللي الواحد بيحس بيها لما يفقد الحلم دا فجأة كدا وبدون مقدمات لكن لازم دايما نفتكر إن ربنا بيختبرنا وبيبتلينا عشان يشوفنا هنعمل إيه.. هنصبر ونشكر رغم البلاء ولا هنقوله ليه يا رب ونعترض.. وأنا رضيت يا رب.. رضيت وواثقة فيك.. فاللهم