عيله الدهاشنه

يبلغ عنه وابنها يعيش طول عمره موصوم وفكرت انها لازم تتصرف قبل مااخوه يوصل مصر 
وفعلا كلمت ناس تعرفهم وطلبت منهم يخلصوا على حسان فى الطريق قصاد مبلغ كبير وفعلا طلعت عربيه نقل قصاد عربيه حسان والعربيه اتقلبت بيه هو ومراته 
اجى الخبر لجابر ان اخوه ومراته ماتوا كان هيجن لما عرف ان رابحه كانت مسافره معاه وعرف بعدها ان اخوه كان مسافر يشترى حاجات لعياله واتاكد من كده من سعديه الى كانت عارفه كل حاجه بس معرفتش ان اختها وجوزها اتقتلوا والحدثه كانت مدبره
باك
كملت حسيبه انى مش ندمانه انى عملت اكده لانى كنت بحميك من حديد الناس الى كان هيخليك متعرفش تعيش 
عمار بصلهم واتكلم بقهره دلوقيت بس فهمت كنتى كاره مريم واختها ليه بس امهم زنبها ايه ان چوزك حبها 
حسيبه بغل زنبها ولا مزنبهاش انى كان لازم احرج جلبه عليها
ضحك جابر بصوته كله تحرجى جلبى !!!! طب اجولك على سر انى كنت خابر بالى انتى عتعمليه بس سكت ميشان اخلص من زن حسان وجولت اكيد جايل لمارته خلاص تغور معاه هى كمانى جال حرجت جلبى جال 
حسيبه بصتله صوح كان لازمن اعرف انك معډوم الجلب والاحساس من اللول 
عمار وقف بصلهم بقرف الاتنين انى مش لاجى حديد اجوله بس انى عرفت دلوقيت ليه قلبى مليان بالغل من اى حد احسن منى الظاهر انه وراثه 
سابهم ومشى وحسيبه وجابر وقفين مسهمين
فى بيت الدهاشنه فى اوضته مكتبه اتسحبت بنت فى العشرينات ودخلت المكتب وهى بتتلفت يمين وشمال كان معاها مفاتيح فتحت الخزنه وطلعت ورق كتير فضلت تدور فيهم لحد ما صلت للورقه الى هى عايزها ويادوب هتقفل الخزنه تانى لقت نور المكتب نور وصوت سعديه من وراها بتقولها پغضب بتعملى ايه عندك يابت المركوب 
فى بيت الدهاشنه فى اوضته مكتبه اتسحبت بنت فى العشرينات ودخلت المكتب وهى بتتلفت يمين وشمال كان معاها مفاتيح فتحت الخزنه وطلعت ورق كتير فضلت تدور فيهم لحد ما صلت للورقه الى هى عايزها ويادوب هتقفل الخزنه تانى لقت نور المكتب نور وصوت سعديه من وراها بتقولها پغضب بتعملى ايه عندك يابت المركوب
لفت پخوف وتوتر وحاولت تدارى الورقه والمفاتيح الى معاها بس كانت سعديه شافتهم قربت منها سعديه وبصتلها پغضب ايه الى معاكى يابنت ياهانم ومدارياه
هانم بتوتر وخوف اااااانى ممممش معايا حاچه 
سعديه اومال كنتى بتعملى ايه فى الضلمه اكده ومالك وشك اصفر كيف اللمونه 
هانم من كتر الخۏف مش قادره تتحرك اانى كووونت بنضف المكتب بس 
طلعت هانم من جيبها الورقه والمفاتيح وناولتهم لسعديه الى اخدتهم واول ماقرات الورقه بصتلها بزهول وخداها لمين الورجه دى يابنت المحروج
عيطت هانم پخوف هجولك ياستى هجولك من فتره كابيره كنت عيند البت چليله صاحبتى الى شغاله فى بيت الزينى كانت رايده تتفرچ على حاچات من الى انى بچبها وابيعها الست حسيبه دخلت علينا وشافت الحاچه عجبتها واخدت منى حاجات كاتير ومن يومها بجت تطلب منى اروح وتاخد منى حاجات لحد ما فى مره
جالتلى
فلاش باك
حسيبه جوليلى يابت ياهانم انتى لساتك بتشتغلى مع امك 
هانم ساعات مش دايما من يوم ماخلصت دراسه وانى بدات اشتيغل فى البيع والشړا بس ساعات بساعد امى مانتى عارفه الظروف ياستى واهو ادينى بساعد نفسى ميشان اتچوز بدال مانى داخله على تلات سنين مخطوبه ومش عارف اكمل حاچتى
قربت منهاحسيبه بابتسامه صفرا طيب ايه رأيك فى الى يساعدك تتچوزى ومش اكده بس لاه هيبجى معاكى مبلغ زين جوى تشتغيلى بيه 
هانم فرحت وباصتلها بسعاده واه ياريت ياست حسيبه بس كيف
حسيبه بحاچه صغيره جوى لو عملتيها هتكسبى خمسين الف چنيه 
هانم برقت لما سمعت المبلغ ومتكلمتش من الصدمه حسيبه ضحكت على شكلها مالك يابت انتى موتى 
اخيرا اتكلمت هههو حضرتك جولتى كام 
حسيبه قربت منها جولت خمسين الف چنيه 
هانم وايه هى الحاچه الى جصادها كل الفالوس ديه
حسيبه اللول جوليلى موافجه ولا لاه 
هانم بتفكير مش لما اعرف ياستى هجدر اعمل الى انتى عايزاه ولا لاه 
حسيبه تجدرى وبساهوله كمانى 
هانم كيف ديه 
حسيبه هجولك انى عايزه ورجه من خزينة الحاچ صالح 
هانم برقت اكتر وخبطت على صدرها يامورى !! الحاچ صالح انتى رايداهم يموتونى ولا ايه ياست حسيبه لالالا مجدرش اسرج منهم حاچه 
حسيبه بهدوء انتى حره وانى الى جولت ازودك شويه واخليهم مېت الف !! يالا مالكيش ناصيب 
هانم فضلت مسهمه وساكته مش عارفه ترفض ولا تقبل حسيبه شافتها متردده حاولت تاثر عليها اكتر الفالوس دى هتخليكى تتچوزى وتچيبلك شويه حاچات من الى بتبعيهم ويبجى الرزج كله ليكى وساعتها عتعيشى مرتاحه ولا الحوجه للشغل
فى البيوت عيند الناس 
هانم پخوف بس لو الحاچ صالح عرف ممكن يجتلنى 
حسيبه وهو هيعرف منين ياهبله دى حتت ورقه لا راحت ولاجت ولو ضاعت مش هيدور عليها 
هانم بصتلها بقلق طب الورجه ديه بتاعت ايه 
حسيبه رسمت الحزن على وشها دى ورجة شړاكه بين چابر چوزى واخوه حسان الله يرحمه صالح سرجها منيه وحلف ماهو عطيهاله الا لما يديله مبلغ كابير جوى ومن يومها وهو بيهدده بيها انه هياخد كل الاراضى بتاعتنا لنفسه 
هانم برقت معجول الحاچ صالح يعمل اكده !!! 
حسيبه بمكر ايوا واكتر من اكده المهم ايه رأيك هتساعدينى ارچع حجى وتاخدى المېت الف چنيه وتتچوزى وتفرحى بجى ولا ايه 
هانم بتردد موافجه ياست حسيبه ورابنا يستر 
ابتسمت حسيبه بنصر شاطره يابت داورى على موصلحتك طلعت مبلغ من جنبها خدى دول تحت الحساب 
هانم مش لما اجيب الورجه اللول 
حسيبه لاه خديهم يجوه جلبك دول عشر تلاف چنيه والباجى اول ماتجيبى الورجه 
اخدتهم هانم وهى مش عارفه تفرح ولا تخاف من الى هتعمله
باك
كملت هانم بدموع بس ياستى هو ديه كل الى حوصل بس جسما بالله انى ماكنت عايزه اعمل اكده بس الحوجه مره
بصتلها سعديه بقرف حوجة ايه الى تخليكى تسرجى مال يتامى !!!
هانم برقت والله ماحوصل انى ماسرجتش مال حد
طلعت سعديه الورقه وفتحتها قدام هانم شايفه الورجه دى !! ديه مال يتامى 
هانم باستغراب انى مش فاهمه حاچه 
سعديه الورجه دى الى تثبت حج مريم ونچاة الله يرحمها فى ورث ابوها والى حسيبه وچابر رايدين يحطوا يدهم عليه 
هانم بندم يعنى الورجه دى مش بتاعتهم اصلا 
سعديه بغل لاه ياغبيه يامتعلمه لو كلفتى خاطرك وجريتى الورجه هتعرفى انها الى بتثبت الشړاكه بين حسان الله يرحمه وچابر حسان جبل مايموت امنى على العجد ديه زى الى جلبه كان حاسس 
هانم دموعها زادت بندم والله ماكنت اعرف ...والله ماكنت اعرف ..حجك عليا ياست سعديه انى
غبيه 
بصتلها سعديه بقرف انتى واطيه ياهانم مطمرش فيكى التربيه ولا العلام الى غصبت على امك تكملهولك وصرفت عليكى ميشان فى الاخر تخونينى 
بعدت عنها سعديه واتكلمت بقرف باعدى عنى ياكلبه !! انى رايده اعرف حاچه واحده امك كانت تعرف
هانم بسرعه لا ياستى جسما بالله ماتعرف حاچه ديه لو عرفت هتجتلنى بيدها 
سعديه انى كنت واثجه انها ماتعرفش بس بتوكد !! اطلعى بره وديه اخر مره المحك اهنه وانى ميشان خاطر امك بس مش هجول للحاچ ..بررره
خرجت هانم ودموعها مغرقه وشها وقفت سعديه تبص للورقه وهى بتكلم نفسها غلطاتك زادت جوى يابنت الزينى ولازم توجفى عيند حدك بجى 
راحت نحيه الخزنه فتحتها ورجعت الورقه مكانها واخدت نسخة المفاتيح خبتها عندها
تانى يوم فى فيلا العادلى صحيت تالا على صوت موبيلها ردت بنوم من غير ما تبص مين الو ..
طيب بزمتك فى حد صاحى من النوم صوته حلو قوى كده 
ابتسمت تالا وقامت قعدت على السرير اه فى حبيبى بيبقى قمر وهو صاحى 
جاسر بمكر وعرفتى منين انى ببقى قمر انتى لسه جربتينى
تالا اتكسفت وبعدين معاك بطل قلة ادب بقى 
ضحك بصوته كله على فكره انتى الى نيتك وحشه شكلى اتغشيت فيكى دماغك بتروح لحاجات انا مش قصدها
تالا بغيظ ياسلام يعنى انا الى طلعت قليلة الادب 
رد عليها جاسر بهيام احلى واطعم قليلة ادب فى حياتى 
ابتسمت تالا وردت بصوت هادى بس انا مش قليلة الادب 
جاسر بنفس الهمس قريب قوى هتبقى اخر قلت ادب 
تالا وبعدين معاك انت عايز ايه
________________________________________
دلوقت 
جاسر وحشتينى عايز اشوفك
تالا بغلاسه قول لبابا 
جاسر ياسلام هى بقت كده ماشى هقوله لبابا اقفلى ياختى 
قفلت معاه وهى عماله تضحك الباب اتفتح ودخلت عليها بيرى لقتها بتضحك رسمت ضحكه على وشها وراحت قعدت جنبها بتضحكى على ايه على الصبح كده 
تالا ابدا ده جاسر 
بيرى بغيظ داريته ماله 
تالا ولسه بتضحك اصل كان عايز نخرج وانا قولتله يستاذن بابا فرد عليا باسلوب ضحكتى 
بيرى بصتلها قوى ويستاذن بابا ليه ده خطيبك يعنى عادى تخرجى معاه 
تالا بصتلها باستغراب لا مش عادى دانا حتى وانا فى لندن ماكنتش بشوفه غير فى الشغل يبقى بعد مابقى ليا اب ليه حكم عليا اخرج من غير اذنه 
سكتت شويه وبصت لبيرى بتردد هو انا ممكن اسالك سؤال 
بيرى بعدم اهتمام اسالى 
تالا هو انتى علاقتك ببابا متوتره ليه 
بيرى بصتلها قوى وحست بۏجع فى قلبها بس ردت عليها بالكدب لا ابدا علاقتى ببابا كويسه ليه بتقولى كده 
تالا قربت منها ومسكت ايديها انا حاسه انك تعبانه ومش بتتكلمى قوليلى ياحبيبتى انا اختك الوحيده لو مكنتيش تفضفضى معايا هتقولى لمين 
بيرى فضلت باصلها وساكته وشويه وقامت وقفت وهى بتبصلها بۏجع انا كويسه صدقينى لو فى حاجه هقولك عن اذنك
خرجت بيرى بسرعه على اوضيتها وتالا عنيها عليها واتنهدت بحزن على اختها شويه وتليفونها رن تانى كان جاسر ابتسمت وردت عليه الو 
جاسر نص ساعه والاقيكى جاهزه هفوت اخدك 
تالا قولت لبابا 
جاسر ابتسم هو عارف انها فرحانه بقربها من سليم اه ياقلبى قولت لبابا انى هخطفك انهارده كله يعنى هنفطر ونتغدا ونتعشى كمان مع بعض 
تالا فرحت طيب انا هجهز على طول سلام 
قفلت معاه وجريت لبست وجهزت نفسها ونزلت تشوف سليم وهنا قبل ماتخرج
عند بدر فتح عنيه لقى مريم قعده جنبه وعنيها عليه ومبتسمه ابتسم هو كمان صباح الجمال 
مريم صباح الخير ياحبيبى 
قرب منها قوى هو حبيبى صاحى من بدرى ولا ايه 
مريم امم من شويه يونس صحى قولت اقوم ااكله 
بصلها بحب واخد ومصحتنيش ليه ياقمرى
رفعت ايدها