عيله الدهاشنه

بتزعل من الحق !! يعنى بذمتك واحد بيحب واحده وخطبها وكلها كام شهر ويتجوزها يقوم يحاول وفى الاخر زعلان انى بقول غبى 
بصلها عمار بقهره ودور وشه انى فعلا غبى واستاهل اكتر من اكده !!! بس برده مش هسيبها لابن الدهاشنه مريم دى بتاعتى انى 
بيرى من النحيه دى متخفش بدر متجوزش مريم 
عمار كيف يعنى وهو كتب عليها جصاد كل اهل البلد وبجيت مارته 
بيرى على الورق بس !!! 
عمار برق وانتى عرفتى كيف الحديد ديه
بيرى انا هحكيلك بس الاول عندك استعداد تساعدنى فى اى حاجه انا عايزها 
عمار لما اعرف اللول وافهم انتى عايزه ايه 
بيرى هفهمك حكلته كل حاجه من اول ماسمعت اتفاقهم لحد الى حصل فى الحفله 
عمار بصلها بفرحه يعنى هو هيطلجها بعد ماتخلص الچامعه 
بيرى بزهق قولتلك اه 
عمار ملامحه اتغيرت لزعل حتى لو طلجها مريم خلاص كرهانى واستحاله ترضى ترچعلى تانى 
بيرى هو ده بقى المطلوب منك 
بصلها واستغرب الى هو ايه 
بيرى انك تفضل وراها لحد ماترجع تحبك تانى وساعاتها هترضى ترجعلك 
عمار اعمل ايه يعنى عاد
بيرى شاغلها روح هتلها ورد واعتزر كتير ابعتلها رسايل حب كل شويه كده يعنى 
عمار دانا اجتل بدر اسهل من كل ديه 
بيرى بصتله پغضب وماله اقتله وانا اقټلك مريم واقټلك معاها 
عمار ضحك باستهزاء وياترى بتعرفى تجتلى ولا اعلمك 
بصتله بيرى قوى لا متخفش بعرف اقتل وبقلب مېت كمان تحب تجرب 
ضحك عمار تانى لاه طلعتى واعره جوى 
بيرى خلينا فى المهم انا هقولك مواعيد نزولها وانت اتعامل 
عمار اللول جوليلى انتى بتعرفى كل ديه منين وعرفتى امى وبوى منين 
ضحكت بيرى قوى انا ليا عيون فى كل حته هنا وفى بلدكم دانا ممكن اقولك الى انت نفسك ماتعرفوش 
عمار وايه هو ديه الى انى معرفوش 
قربت بيرى منه وبصوت واطى زى مثلا انك الحاج جابر الزينى تاجر اثار قد الدنيا 
عمار سهم واتكلم بعصبية كانك مخبوله بصحيح هو مين ديه الى تاچر اثار 
بيرى ببرود ابوك جابر الزينى ووطى صوتك ولا ناوى تسلم ابوك
عمار سكت وبدا يفكر ويربط كل حاجه ببعض فعلا هو مايعرفش ابوه بيجيب الفلوس الكتير دى منين وعمره ماساله لانه كان فاكر ان الاراضى الى بيزرعها هى الى بډخله الفلوس دى دلوقت بس فهم ليه ابوه كل شويه يشترى ارض جديده فى مكان مختلف
بيرى لما سكوته طال مالك ساكت ليه 
عمار قام وقف انى راچع البلد وهعاود كام يومين سلام 
بيرى بصتله وابتسمت بانتصار سلام 
مشى عمار وعنين بيرى عليه وهى بتفكر فى الى جاى
وصل بدر البيت بعد خمس ساعات شغل معرفش يهرب منه دخل البيت كان ساكت استغرب الهدوء ده دخل على اوضه مريم واتسمر مكانه لما شاف مريم قعده على السرير لبسه فستان بيتى كاب كشمير قصير واصل قبل الركبه بشويه قرب منها كانت نايمه ملس على خدها بالراحه فتحت عنيها وابتسمت لما شفته 
اتاخرت ليه 
بدر تانى وبص لعنيها وحشتك !! 
مريم هروح احضر الغدا 
قرب منها وهو بيبصلها من فوق لتحت بحب طب ماهو جاهز اهو 
ضحكت مريم بكسوف هو ايه ده الى جاهز 
بدر بغمزه غدايا !! مانا ناوى اتغدا بيكى 
ابتسمت مريم دى خالتى
الى
جيبالى كل ده 
بدر اندهش امى!! لا صدقى طلعت جامده قوى الحاجه سعديه بس برده انتى الى محلياهم الراك على الاساس 
مريم بجد حلو عليا 
لفت مريم وبصتله بحب باين فى عنيها اه فيه انت 
بدر قرب منها وبصوت واطى سالها هو يونس نايم من امتى 
مريم بنفس الهمس من شويه بتسال ليه 
شالها بدر فجاه وراح نحيه السرير وهو بيقولها يادوب الحق اكلك قبل مايصحى 
فى بيت الزينى كانت حسيبه قاعده مع جابر وكالعاده بيتخنقوا 
انت ياراچل مش همك الواد الى حيلتك يچرالوا حاچه جاعد ولا بتسال راح فين ولا بيعمل ايه
رد جابر ببرود لا عارف هو فين واطمنت عليه كمانى 
حسيبه بلهفه هو فين 
جابر فى مصر مع ناس صحابه 
لطمت حسيبه وهى بتصوت يامرك ياحسيبه وبتجولها بكل برود فى مصر !! هم ياراچل رچع الواد جبل مايعمل مصېبه 
جابر اتنرفز مصېبة ايه الى عيعملها بجولك مع صحابه 
حسيبه بتريقه صحابه !!! ولدك مش عيرتاح ولا عيهداله بال الا لما يجتل بدر ويرچع مريم ليه 
جابر بجولك ايه انى مش فايج لحديدك الماسخ ديه انتى عجلك مافيهوش الا الجتل 
حسيبه بغل وانت مافيش فى راسك الا شغلك الا مختش منه الا ۏجع الجلب بجالى سنين بلم وراك جتلت ميشان ولدى ميتعيرش بيك ويجولوله يابن تاچر الاثار
جتلتى مين ياما انتى كمان !!! 
لفت حسيبه على صوت عمار الى واقف مزهول من الى سمعه جريت عليه وهى متوتره انت چيت مېتا ياولدى كنت فين جلجتنى عليك 
بصلها قوى وقرر سؤاله جتلتى مين ياما ميشان تدارى على بوى 
بصت حسيبه لجابر ورجعت بصت لعمار انت مش فاهم حاچه ياولدى اطلع انت استريح وبعدين نتحددت
عمار بعصبية انى مش منجول من اهنه الا لما افهم كل الى انتوا مخبينوا عليا من سنين 
جابر قعد ودور وشه وحسيبه بصت لعمار بدموع مجمعه فى عنيها هجولك ياولدى بس جبل مااحكيلك لازمن تفهم انى عملت كل حاچه ميشانك 
عمار احكى
حسيبه من سنين بعد ماخلفتك بسنتين ابوك كان شغال مع اخوه حسان فى الارض وكنا عايشين وعدت السنين علينا وابوك وعمك بيكبروا الارض وبيشتروا اراضى تانيه ويزرعوها وفى يوم ابوك چالى وجالى ان فيه حتت ارض عايز يشتريها لحاله من غير علم حسان يومها استغربت وجولتله
فلاش بالك
حسيبه ليه ياچابر مانت ماشاء الله شغال ليك سنين مع حسان وبجى عنديكم اراضى ياما ايه الى چد 
جابر انى رايد اكبر نفسى لحالى وميشان عمار ولدى يلاجى لما يبجى راچل المال الى يسنده 
حسيبه فكرت فى ابنها الى هوه نقطه ضعفها وجابر عارف كده كويس وعارف انها علشانه ممكن تعمل اى حاجه بصتله حسيبه وقالتله وانت عايزنى اعمل ايه دلوقيت 
قرب منها جابر وابتسم عايز دهباتك والفلوس الى معاكى اكمل على الى معايا وانى وعد منى كلها كام شهر وهردهم الضعف واهو كله لولدنا 
حسيبه بتفكير انى موافجه 
فرح جابر وبعدها بكام يوم كان جاب الارض عدى شهرين ولقت جابر داخل عليها مبلغ اكتر من الى اخده منها
خدى ياحسيبه فلوسك زى ما عدتك 
حسيبه بصت للفلوس واستغربت انت لحجت تزرع وتجلع ميشان تچيب كل الفلوس دى 
ضحك جابر قوى ياستى اهو رزجك عتتبطرى على الرزج 
حسيله لاه عتبطر ليه الله يزيدك من عنده
بعد كام يوم اجى حسان وكان متعصب دخل لجابر الى كان قاعد مع حسيبه قام جابر يرحب بيه اهلا ياخوى كيفك 
حسان اتكلم پغضب الحديد الى عرفته ديه صوح 
قامت حسيبه تدافع عن جوزها وماله ياحسان لما اخوك يشترى ارض لوحده ولا انت عايزه يفضل طول عمره تحت طوعك 
حسان ماهو لو على جد الارض والزرع ماكنتش اتحددت الا المصېبه ان البيه بيشتغل فى ال
وقبل مايكمل وقف جابر بصله يسكت ايه هو انت مش معرفها 
جابر خلاص ياحسان نتحدد بعدين 
بصتله حسيبه باستغراب فى ايه ياچابر مخبى عليا ايه مش عايز اخوك يجوله 
بصله حسان بنرفزه ماتجولها ولا خاېف !! البيه چوزك الى انتى بدفعى قوى عنيه بيتشغل فى الاثار والارض الى اشتراها چبها ميشان عرف ان تحتيها اثار 
بصتله حسيبه پخوف صوح الحديد ديه ياچابر 
جابر اتعصب وانت مالك بيا عاد اشتغل فى الاثار ولا حتى اۏلع فى حالى 
حسان مالى بيك كيف انت اخويا واى حاچه تأذيك هتأذينى يبجى كيف عايزنى اشوف الى انت بتعمله ديه واسكت 
جابر ايوا تسكت ومالكش صالح بيا الحاچه الى انى لجتها دى تخصنى لجتها فى ارضى يعنى ملكى 
حسان كيف يعنى ملكك الحاچات ديه ملك البلد والناس الى بتدفعلك فى ملايين بيخدوها ميشان يجوله انها اثار بلدهم وانت مكفكش الارض الى اشترتها جبل سابج رايح تچيب ارض تانيه بردك تحتيها اثار 
جابر ببرود وانى مالى مايجوله الى يجوله انى اهم حاچه عيندى الفلوس وبس 
حسان ديه اخر كلام عنديك ياچابر 
جابر ايوا والى عندك اعمله 
حسان بقهره ماشى
________________________________________
ياخوى انى حظرتك وانت حر
مشى حسان وقربت حسيبه منه ليه ياجابر تعمل اكده مش خاېف على ولدك الوحيد 
جابر اتعصب انى معملتش حاچه غلط الحاچه دى ملكى وكل الفلوس الى بعملها دى ميشان ولدى 
حسيبه وافرض اتجبض عليك عتعمل ايه 
جابر بصلها واتوتر محدش يعرف انى بشتغل فى الحاچات ديه 
حسيبه اومال خوك عرف ازاى 
جابر اتعصب اكتر انتى رايده منى ايه دلوقيت 
حسيبه لم الموضوع ديه ياچابر ميشان ولدك وباعد عن الناس ديه وراضى خوك
جابر بصلها وهز راسه ماشى ياحسيبه بكره هروح اتحدد معاه
تانى يوم راح جابر لحسان بس كان نزل وماكنش فى البيت الا رابحه قرب جابر منها وبصلها قوى كيفك ياربحه عامله ايه 
وقفت رابحه الى اتوترت وخاڤت لما شافت جابر انى زينه الحمد لله حسان نزل الارض 
قرب جابر منها بچد مكنتش خابر 
رابحه رجعت لورى وهى بتزعق فيه انت بتچرب اكده ليه انى جولتلك حسان نزل روحله الارض 
جابر انى معنتش چادر يارابحه ابعد عنيكى انى الى كنت بحبك وحسان اخدك منى واتچوزك هو
رابحه بصوت عالى كنك اتچنيت ياچابر انى مارت خوك كيف تجولى الحديد ديه اطلع من الدار ياچابر وبعد عنى 
وقف جابر وابتسم باستهزاء مسيرك تبجى ليا يارابحه 
جابر روحتله الارض وحلف لو مارچعتش الحاچه هيبلغ عنى 
وقفت حسيبه بغل انت تستهل تتعدم مش بس تتسچن 
جابر اتعصب عليها بتجولى ايه يامره 
حسيله الى انت سمعته بجى ياناجص بعد كل السنين الى عشتها معاك رايح تترمى تحت رچل مارت اخوك وتجولها انك بتحبها 
جابر اتوتر محصلش دى بتكذب عليكى ميشان توجع بينا 
حسيبه بقهره يارتها هى الى جالت كنت كذبتها انى سمعتك بدنى وانت بتحددت معاها 
جابر سكت ومعرفش يرد حسيبه كملت بس وحيات ابنى لندمك ياجابر واحسرك عليها 
جابر بصلها واستهون بكلامها بعد كام يوم عرف ان
اخوه نازل مصر خاف يكون رايح يبلغ عنه دخلت عليه حسيبه وهو قاعد بيفكر عملت ايه مع اخوك 
جابر لساته مصمم وعرفت انه نازل مصر بكره 
حسيبه خاڤت هى كمان