نوفيلا بسمه امل بقلم روز امين

إبنك في إنك تتجوزي علي سنة الله ورسوله من راجل ليه نفس ظروفك وتعيشي معاه اللي باقي لك من حياتك في ونس
وأكمل مفسرا بنبرة هادئة  
_ يا سحر إنت ست جميلة ولسه صغيرة ومن حقك تاخدي فرصة تانية في الحياة بعد جوزك الله يرحمه 
وأسترسل شارح
_ وأنا راجل أرمل وإبني سابني وسافر وعاش حياته بعيد عني بشرع مين نفضل كل واحد مننا عايش لوحدة مع إن ممكن جدا نتجوز ونكون لبعض الونس والرحمة والمودة
أردفت متسائلة بإعتراض  
_ ورانيا يا حسين 
أجابها بهدوء في محاولة منه بإقناعها  
_ رانيا مخطوبة لزميلها في الشغل وكلها سنة وتتجوز تقدري تقولي لي وقتها هتعملي إية وإنت عايشة لوحدك في شقتك 
أردفت قائله بعقل مشتت  
_يا حسين إفهمني من فضلك أنا معنديش الشجاعة إني أتكلم مع أولادي في موضوع محرج زي ده
أجابها بنبرة حماسية  
_ سيبي لي أنا المهمه دي وأنا قادر أقنع أولادك واخليهم هما بنفسهم اللي يكلموكي ويطلبوا منك تقبلي طلبي للجواز
ضحكت بإنوثة أهلكت بها قلب ذاك العاشق الذي تحدث بنبرة هائمة  
_ والله حرام عليك اللي بتعملية في قلبي المسكين ده
خجلت من كلماته العاشقة وأزاحت ببصرها عنه خجلا
في صباح يوم مشرق جديد
فاقت أمل من غفوتها علي صوت المنبه الذي يصدح بجانبها فوق الكومود مدت يدها وضغطت علي زر الإيقاف وبدأت بفتح عيناها بتثاقل وهي تستمع إلي صوت زقزقت العصافير التي تعشقها
ثم نظرت بحب لذاك الغافي بجانبها بثبات عميق
إعتدلت ومالت عليه وقبلت شفتاه بهدوء
أفتح أمير عيناه ونظر إليها بإبتسامة سعيدة وأردف بصوت متحشرج ناعس 
_ صباح الخير يا حبيبتي
أجابته بوجه بشوش صابح لزوجة سعيدة  
_ صباح الفل يا حبيبي
وأكملت بإنتشاء وحماس  
_يلا يا قلبي علشان تاخد شاور علي ما أروح أجهز لك الفطار
إعتدل بجلسته
بعد مدة كان يجلس فوق مقعده بكامل هيئته يتناول وجبة إفطاره بجانب طفلته كارما
و ضعت أمل كوبا من النسكافيه أمام زوجها الحبيب ثم تابعت تجهيز شطائر طفلتها حتي تضعها بصندوق طعامها الخاص بالمدرسة
وأردفت قائلة بحب وهي تنظر إلي صغيرتها  
_ إشربي اللبن بتاعك بسرعة يا كوكي قبل باص المدرسة ما يوصل
أردفت الفتاه بتملل ووجه عابس  
_ مش بحب اللبن سادة وحضرتك عارفة كدة يا مامي حطي لي علية شيكولا
أجابتها أمل بإعتراض لطيف  
_ ما ينفعش شيكولا علي الصبح يا قلب مامي إشربي اللبن سادة علشان يقويكي ولما ترجعي من المدرسة هعمل لك النسكويك اللي بتحبيه
تأففت الصغيرة بإعتراض حين وجه أمير حديثه إلي طفلته المدللة  
_ بطلي دلع وإسمعي كلام مامي يا كوكي وأشربي اللبن بسرعه علشان أنزلك معايا للباص
إستمعت الفتاه حديث والدها وأومأت له بطاعة وبالفعل بدأت بإرتشاف كوب الحليب ثم وقف أمير و أرتدي حلة بدلته وحمل طفلته المدلله و وقف يقبل وجنة أمل قائلا بحب 
_ مع السلامة يا حبيبتي مش عاوزة حاجة أجيبها لك معايا وأنا راجع

إبتسمت له وأردفت بنبرة رقيقة وقناعة 
_ عاوزة سلامتك يا حبيبي
قبلت طفلتها بسعادة ثم عاودت للنوم مرة أخري بعد ذهابهما
بعد مدة فاقت من غفوتها بعد ثبات عميق توضأت وصلت صلاة الضحي وتحركت إلي الخارج بعد قليل كانت تقف داخل مطبخها لتقوم بتجهيز وجبة الغداء قبل موعد وصول زوجها وصغيرتها إنتهت من تجهيز الطعام وأغلقت مفاتيح شعلات الموقد
وما أن تحركت متجه إلي الخارج فجأة شعرت بدوار أصاب رأسها وبدون سابق إنذار سقطت فوق أرضية المطبخ متمدده بجسدها فاقدة الوعي تماما
تري ما الذي حدث ل أمل جعلها تتهاوي وتسقط فاقدة الوعي هكذا  
هذا ما سنتعرف عليه في الفصل القادم
بسمة أمل 
بقلمي روز أمين