في قبضه الاقدار
الأمر لن يمر مرور الكرام و بالرغم من ڠضبها من كلماته إلا أنها أعطته الحق في غضبه لذا قالت بنبرة هادئه نسبيا
مكنتش هسمح بدا يحصل أبدا و انت شفت بعنيك إني كنت بفتح الباب و رايحه أمنع جنة تعمل كدا لولا إني لقيتك قدامي
سالم بإختصار
أفرض حاولت تعمل دا من ورايا أنا و أنتي
فرح بنفي قاطع
لا طبعا عمرها ما تعمل كدا أنت شوفت حالتها كانت عامله أزاي و أزاي كانت حاسه بالندم أنها فكرت في كدا
لو هحكم بإلي شفته فأختك غير مسؤوله بالمرة
فرح بإندفاع
أنت إنسان غير منصف
سالم بقسۏة
أنا إنسان عملي بحكم عالناس من خلال تصرفاتهم و تصرفاتها لحد دلوقتي كلها غير مسؤوله
لا تعلم ماذا دهاها في تلك اللحظه فجل ما تريده هو الدفاع عن شقيقتها فخرج الكلام منها عبثا حين قالت
ما أن اختتمت جملتها و رأت تلك الإبتسامه البغيضه علي ملامحه حتي لعنت غبائها و خاصة عندما قال بتهكم
و دا في رأيك تصرف مسؤول
كان مهيمنا علي الوضع بطريقه أغاظتها و أخرستها كلماته تعلم بأن شقيقتها أخطأت كثيرا و لكنها لا تستطيع أن تقف مكتوفه الأيدي أمام إتهاماته لها فخرج الكلام من بين في محاوله أخيرة لنفي تلك التهم البغيضه التي تتجلى بوضوح في عيناه
كانت ملامحها تضج بالألم و الڠضب معا و قد شعر بوخزة ألم علي حالتها تلك لذا قال بلهجه باردة تماما كما أراد
أنا مش هنا عشان أشوف مين فيهم غلط أكتر من التاني أنا هنا عشان أمنع غلط أكبر
فرح بعدم فهم
تقصد إيه
جنة هتيجي تعيش معانا لحد ما تولد !
أنت أكيد بتهزر صح !
أجابها بجفاء
إنتي شايفه إيه
فرح و قد علت نبرتها دونا عنها
أنا هعمل نفسي لا شايفه و لا سامعه
سالم بفظاظه
راسك في الرمل زي النعام !
هبت من مكانها و قالت بانفعال
أنت مستوعب كلامك
سالم بهدوء مستفز
طبعا ! الدور عليكي أنتي تستوعبيه عشان مش هيحصل غيره
فرح بتهكم
و ياتري عايزها تروح تعيش معاك علي أي أساس
سالم مصححا
قولت هتعيش معانا مش معايا و هنا أقصد عيلتنا والدتي و أخواتي
فرح ساخرة
كانت السخريه تغلف ملامحها و نبرتها و قد أغضبه هذا و لكنه كان يفهم ذلك الصراع بداخلها لذا قال مشددا علي كلماته
بصفتها أرملة حازم الله يرحمه و أم إبنه أو بنته إلي جاي
لم تنكر إرتياحها لتلك الصفات التي نسبها لشقيقتها و نبرته التي أكدت علي حديثه و لكنها لن تتنازل أبدا عن حقها في الدفاع عنها فقالت بهدوء
طب تمام حلو أوي دا تقدر تعتبرها أرمله أخوك و أم إبنه أو بنته وهي في بيتها عشان جنه مش هتخرج من البيت دا و لو علي چثتي
نهض سالم بتكاسل من مقعده و قام بإغلاق أذرار بذلته و هو يقول بخفوت صارم و عيناه تؤكد علي حديثه
لا هتيجي معايا و برضاكي كمان
شعرت بالسخافه من نبرته الواثقه و كلماته الهادئه
فقالت بتعجب
ممكن اعرف إيه مصدر ثقتك دي يعني حقيقي الموضوع مثير للإهتمام بقولك
مش هتخرج غير علي چثتي بتقولي لا
هتخرج و برضاكي إزاي بقي معلش !
واصل حديثه خانقا ضحكه بسيطه كانت تهدد بالخروج علي مظهرها الذي يبدو أقرب للجنون و أيضا ڠضبها الذي تحاول كتمه بصعوبه فقد كانت هناك لذه خفيه في كل إنتصار يحققه عليها لا يعلم مصدر تلك اللذة و لا متي بدأ يعتبر نجاحه في إربكاها يعد إنتصار كل ما يعرفه أن هناك شئ ما بأعماقه يجبره علي تحديها و الإستمتاع بكل إنفعالاتها خرج صوته هادئا خشنا يناقض كل أفكاره
إيه رأيك تسأليها رأيها في كلامي و بعدين نشوف !
خرجت منها ضحكه ساخرة خاليه من المرح و جاء صوتها مدهوشا من حديثه
دا بجد ! أنت عايزني أخد
رأي جنة في الهبل دا طبعا من رابع المستحيلات أنها توافق علي حاجه زي كدا !
بس أنا موافقه يا فرح !
جفلت فرح من ذلك الصوت القادم من الخلف و شعرت بطلق ڼاري يستقر في منتصف ظهرها حين أستمعت لصوت شقيقها القادمه من وراءها فتسمرت في مكانها تنازع في محاولة لأسترداد أنفاسها الهاربه قبل أن تلتفت ببطئ لتلتقي عيناها مع شقيقتها التي كان الحزن و الألم مرتسمان علي ملامحها وهي تري وقع قنبلتها علي وجه فرح الذي كان يحاكي شحوب الامۏات في تلك اللحظه و صوتها المبحوح الذي ردد اسمها بعدم تصديق
جنة
أقتربت منها جنة و علي وجهها جميع عبارات الأسي و عيناها ترسل ألف إعتذار و إعتذار لتلك التي كانت علي وشك الإغماء فأمتدت يد جنة تمسك بكفوف شقيقتها المرتعشه و هي تقول بنبرة قويه يشوبها بعض البكاء
كفايه عليكي أوي كدا يا فرح !
خرجت الكلمات من فمها مرتعشه تماما كحال قلبها
كفايه إيه يا جنه
جنه بإنفعال وهي تشدد علي كل حرف تتفوه به
كفايه بهدله فيكي لحد كدا طول عمرك شايله حملنا علي كتافك من أول تعب ماما ومۏتها و أنتي شايلانا كلنا حتي بابا إلي كان مفروض يعوضنا غياب ماما كان بيتسند عليكي كنتي انتي إلي شيلاه مش العكس بسببنا أتخليتي عن حلمك أنك تبقي دكتورة و سبتي كليه الطب عشان تقدري تتحملي مسئوليتنا و البيت دا يفضل مفتوح و حتي بعد بابا ما ماټ محسستينيش يوم واحد إني يتيمه فضلتي جمبي و في ضهري و عمرك ما حرمتيني من حاجه كفايه أنك أتخليتي عن حب حياتك عشان تفضلي جمبي و متسبنيش عشان كدا بقولك كفايه لازم أتحمل نتيجه أخطائي جه الوقت إلي تعيشي في حياتك و كفايه تتحملي كل حاجه لوحدك إرتاحي مرة واحده بقي
كانت كلمات جنة تتردد علي مسامعها و ذكريات حياتها كله يعاد أمام عيناها كالشريط فأفصحت مقلتيها عن دمعه خائڼه إثر جملتها الأخيرة فعن أي راحه تتحدث ! هل فعلا قدرت لها الراحه تجاهلت كل هذا الألم الهائل الذي عصف بها و قالت بلهجه حاولت أن تكون ثابته
بس أنا مشتكتلكيش
جنة بلهفه
و لا هتشتكي يا فرح ! عارفه ليه عشان أنتي أحسن حد في الدنيا هتفضلي تتحملي لحد ما تقعي و لا أنك تحسسيني بأي حاجه بس أنا مش هتحمل تقعي يا فرح أنتي بالذات خسارتك غير أي خسارة في الدنيا خسارة مش هقدر عليها أبدا
لم تستطع الحديث إذ تفاجأت بجنه التي إلتفتت إلي سالم الذي كان جامدا كتمثال صلب يستمع إلي ذلك الحديث الشائك عن معاناتها و كم تحملت لأجل عائلتها و هنا تغيرت كل نظرته إليها و تبدلت معالم شعوره نحوها و قد صدق ظنه بشأنها فهي كما وصفها منذ أول لقاء
لهم أنثي إستثنائيه و لكن عقله توقف أمام جمله أتخليتي عن حب حياتك خربش الفضول جدران قلبه بصورة قاتله لمعرفة ماذا تقصد و أي شكل أتخذ هذا الحب
أخرجه من شروده و تساؤلاته كلمات جنة الذي يسكنها حزنا عميقا
أنا موافقه يا سالم بيه آجي معاك
لم تتحرك من مكانها و لم يرتفع رأسها و قد كان مظهرها يغضبه أو ربما يؤلمه لذا أعاد انظاره إلي جنة قائلا بخشونة
أتفقنا العقد بتاع الجواز العرفي معاكي
أومأت برأسها بصمت فقد كان الخزي يتوج ملامحها في تلك للحظه فجاء طلبه لينقذها إذ قال بفظاظه
عايز اشوفه
للمرة الثانيه أومأت برأسها و توجهت للداخل كي تحضره بينما كانت فرح ما تزال بمكانها لا تستطيع أن تواجهه فقد خسړت كل شئ أمامه تجردت من كل شئ تحت أنظاره
فتولد عندها شعور مفاجئ بحاجتها للإختفاء !
تود في تلك اللحظه أن تكون شئ غير مرئي مجرد سراب فلم تعد لديها طاقه للجدال أو النقاش أو أي شئ
فالحياة تستمر بمعانداتها و إعطاؤها صفعه تلو الآخري
حتي فقدت قدرتها علي
التحمل لذا حاولت الإنسحاب خلف جنة هربا من نظرات شامته لابد و أن ترتسم بعيناه في تلك اللحظه و
لكنها لم تقدر علي تحملها و ما أن تحركت تنوي الهروب حتي وجدت
فرح !
حاولت أن تشحذ بعض قواها الخائرة و ألا تجعله يراها مهزومه بتلك الطريقه فلتواجه للنهايه و لتكن دائما مرفوعه الرأس
نعم !
خرجت نبرة صوته لينه بعض الشيء ففاجأته بقدر ما فاجأتها
جنة عندها حق أوعي تزعلي منها
لاحت إبتسامه ساخرة
علي ملامحها تتنافى مع لهجتها المريرة حين قالت
بتدافع عن جنة قدامي ! دا يوم المعجزات بقي !
أستعاد سالم ملامحه الجامدة و قست لهجته قليلا حين قال
مبدافعش عنها بشخصها لكن كلامها صح الموضوع المرادي أكبر منك
فرح بمرارة
بجد ! عموما مش زعلانه عشان عارفه أنها هترجعلي في النهاية بعد ما تاخدوا إلي أنتوا عايزينه منها
قطب جبينه و إزداد عبوس ملامحه قائلا بعدم فهم
يعني إيه ناخد إلي إحنا عايزينه منها !
فرح بقسۏة
إبن أخوك ! مش دا إلي جابك ورانا لحد الدكتوره و طبعا أكيد كنت مراقبنا قبلها عشان كدا عارف مكان بيتنا كويس ! طبعا أخوك الله يرحمه طلعله طفل من تحت الأرض و أنا عذراك دا حقك إنك تتمسك بيه لكن مصير جنة إيه بعد كدا أقولك أنا هترجع تاني مكان ما جت و تقضي بقيت حياتها تتعذب علي ضناها إلي أنتوا هتاخدوه منها
ضاقت عيناه و إسودت ملامحه من حديثها الذي صډمه كثيرا فقال بإستنكار غاضب
أنتي إزاي متخيلانا بالبشاعه دي
فرح پغضب
لا دانا متخيلاكوا أكتر من كدا
سالم بحدة
ليه إيه السبب
صړخت پقهر
عشان مشفتش منكوا غير كدا أخوك من أول ما دخل حياتنا بوظها و دمر أختي و حول حياتنا لچحيم و أخوك التاني فجأة لقيناه داخل علينا عمال ېهدد و يقل أدبه و بمنتهي البجاحه بيقول هعلمكوا الادب مشوفتش منكوا حاجه واحده بس كويسه تخليني أآمن علي أختي معاكوا
طب ما تجربي أنك تقربي أكتر يمكن تغيري رأيك !
لا يعلم كيف غافلته الكلمات لأول مرة بحياته و خرجت مندفعه
من بين شفتيه فصډمته بقدر ما صډمتها !
في البدايه ظنت أنها تتوهم و لكن لا فقد أخترقت كلماته سمعها حتي أن قلبها إرتجف رغما عنها تري ماذا يقصد بتلك الجمله هل يشير
