قصيره القامه طويله اللسان

انه عمل حاجه كويسه فانه ساعد الست دي وفهم ان الشكر دا حاجه لطيفه لانه فرح لما الست شكرته رغم انه معملش حاجه كبيرة !
فهم وقتها كلام قمر واقتنع ان دي حاجه ملهاش علاقه بانه كدا بيقلل من نفسه زي مكان فاكر وان دي حاجه مطلوبه !
وصلوا للمنطقة وهادي وقتها شال كل الأكياس وقربوا من الورشه ولقي ان الشباب لسا شغاله فقمر لاحظت تعبهم فعرضت عليهم انها تساعدهم ف رش البوابه ولاكن هما رفضوا وطلبوا منها تقعد وهما هيعملو كل حاجه بنفسهم فابتسمت وقررت انها تطلع وتعملهم اكل بنفسهاا وطلبت من عبدالله انه يجي وراها علشان عايزه تديلو حاجه وعبدالله وافق وطلع وراها الشقه 

وفي الورشة 
بقلم شيماء صبحي 
هادي كان ملاحظ نظرات خالد ليه فقال باستغراب مالك بتبصلي كدا ليه 
خالد بضيق مببصلكش 
هادي فهم ان في حاجه فقال لا فيه نظراتك ليا مش حلوه في ايه انطق!
الشباب انتبهو لصوت هادي الي كان عالي نوعا ما فقربوا وهما بيسألو في ايه 
خالد بضيق مش عارف الأستاذ هادي ماله بيقولي بتبصلي ومش بتبصلي!
سعيد في ايه يا رجاله متهدو كدا !! 
هادي بغيظ لا منا عايز افهم بتبصلي كدا ليه وكانك مش طايقني
خالد بضيق ايوا مش طايقك وحل عني بق
هادي اتعصب من اسلوبه وقرب منه وقال اتكلم معايا حلو ومتنساش نفسك 
خالد پغضب انت الي متنساش نفسك انت زيك زي يعني انت الي تتكلم معايا حلو وبلاش التناكه الي انت فيها دي!
هادي اټصدم من كلامه وقال دانت شايل ومعبي بق!
خالد زفر بضيق ومحمد قرب من هادي وقال اهدي يصحبي بلاش تخلوا الشيطان يدخل بينكوا احنا طول عمرنا صحاب!
هادي انت مش شايف كلامه معايا ابن الطباخ دا!
خالد اتضايق من كلام هادي وقرب منه وقال انت محتاج تتعلم الادب علشان كدا كتير!
هادي اتعصب لما خالد مسكه من هدومه فضربه بدماغه خلي خالد ېنزف من مناخيره وخالد مسك حدييده وقرب منه ولاكنهم وقفوا علي صوت قمر والي قالت انتو هتعملوا ايه اهدو
خالد رمي الحديده وقال هو الي غلط الاول 
قمر بصت لهادي وقالتهو فيه ايه اي الي بيحصل دنتو اصحاب!
هادي ساب الي كان مسكه ومشي پغضب وهيا وقفت مصډومة من الي بيحصل وقالت في ايه يا محمد في ايه يا سعيد حد يفهمني!
محمد مفيش بس هما علي طول كدا مش اول مره!
خالد بضيق هو احنا خلصنا شغل ولا لسا!
قمر لسا بس لو عايزين توقفوا لحد كدا النهارده فاطلعو
خالد هز راسه ومشي من الورشه وطلع للشقه ووراه محمد وسعيد ولاكن هادي كان خرج من المنطقة كلها ودا الي قلق قمر وخلاها تخاف لانه في كل مره بيخرج فيها بيجيب مشكلة وراه !!!
يتبع 
شكرا يا حلوين علي التفاعل 
عايزه عرف توقعاتكم في الي جاي ومتنسوش تقولولي رأيكوا في البارت
روايةقصيرة القامة طويلة اللسان 
بقلمي شيماء صبحي
الفصل السادس 
روايةقصيوة القامة طويلة اللسان 
بقلم_شيماء_صبحي 
في شقة
الشباب كان خالد قاعد وبيقول پغضب انا مش هسيبه غير لما أخد حقي!
محمد في اي ياعم متهدي هو ايه الي حصل لكل دا!
خالد زفر بضيق انا مبقتش طايقه ولا طايق حركاته دي هو خلاص معدش هادي باشا الي كان مشغلنا عنده خدامين دا بق زيو زينا ليه بق جو التناكه دا!
سعيد ايه الكلام دا يا خالد هادي طول عمره صاحبنا ولا عمره في مره قال لواحد فينا اننا خدامين وبعدين مش علشان هوا مبقاش هادي باشا زي مبتقول يبق منستحملوش دا ياما وقف جمبنا وكان بيصرف عالينا ولا نسيتوا 
خالد بضيق بس برضوا هوا كدا علم عليا وانا مش ههدي غير لما اخد حقي
محمد قرب من خالد وقال انت كدا ندل علي فكره احنا الي بينا مش كام يوم دي عشرة وبعدين منت ياما عملت أكتر من كدا وهوا مكنش بيعمل معاك حاجة 
خالد بصلهم وسكت وهما قالو متخليش الأفكار الي في دماغك دي تصورلك حاجه محصلتش يا خالد هادي دا اخونا قبل ما يبق صاحبنا وعلي فكره هوا مش بيتنك علينا هي دي شخصيته وطول عمره بيتعامل معانا كدا وكان الموضوع عادي اشمعنا بق لما فلس بق مش حلو!!
خالد هدي وقال خلاص ماشي انو شايفين اننا غلطان!
محمد وسعيد ايوا غلطان ولازم تراضيه احنا منعرفش هوا راح فين وبعدين احنا سيبنا الشغل ولسا الدنيا نور وزمان قمر زعلانه منك علشان الي حصل!
خالد لما سمع اسم قمر بصله وقال وهيا هتزعل ليه هو اصلا انا معملتش حاجه هو الي بدأ!
محمد لسا برضوا مصمم علي الي في دماغك كبر دماغك انت الكبير!
خالد بصلهم وسكت وهما دخلوا علشان يغيروا هدومهم الي اتبهدلت وسابو خالد قاعد مكانه بيفكر في كلامهم!!
وعند قمر 
قمر واقفه جمب عبدالله وبتقول هو ايه الي حصل بالظبط وليه ضړبو بعض !
عبدالله مش عارف الموضوع كبر علي ايه بس تقريبا خالد هو الي غلطان لان هادي لما رجعتوا كان بيهزر مع الشباب وتقريبا كدا سمع خالد بيقول حاجه انا مش عارف برضوا 
قمر امال انت واقف معاهم بتعمل ايه وبعدين هو هادي راح فين هوا كمان هو ميعرفش حاجة هنا!
عبدالله متقلقيش هوا هيلفله شويه وهيرجع زي كل مره 
قمر هزت راسها وطلعت وقالتله اقفل الورشه وروح وانا هطلع علشان ارتاح ولو حصل اي حاجه ابق اندهلي!
وفي شقة قمر كانت نايمه علي سريرها وهيا بتفكر في هادي وانه لسا مرجعش لحد دلوقت فجااه سمعت صوت البوابه بتفتح قامت بسرعه علشان تشوفه وسمعت خطوات طالعة علي السلم بصت من العين السحريه ولاكنها اتفجات بوجود ناس كتير اټصدمت لانها اول مره تشوف كمية الناس دي جريت بسرعه علي شباك اوضتها وبسرعه كانت خرجت من البيت جريت بسرعه علي بيت عبدالله وهيا بتخبط وبتنادي عليه وهوا رد عليها بعد وقت اول ماشافها اټصدم وسألها باستغراب قمر انتي بتعملي ايه هنا في وقت زي دا 
قمر شدته من هدومه وقالت تعالي بسرعه في ناس شكلها غريب طلعوا علي شقة الشباب !
عبدالله پصدمة بتقولي ناس شكلها غريب ازاي يعني!
قمر انا اعرف بق بس انا شوفتهم من العين السحريه لما سمعت صوت خطوات فكرته هادي!
عبدالله بتساؤل هو انتي من ساعتها منمتيش ومستنياه يرجع!!
قمر بصتله وقالت اكيد لا بس هوا ميعرفش حاجه هنا واكيد كنت صاحيه لاني عارفه انه اكيد هيجيب مصېبه وهوا جاي!
عبدالله بصلها بشك ولاكن هيا قاطعته يلا يا بسرعه احنا لسا هنحكي !
عبدالله طيب استني يا قمر اغير هدومي 
قمر شدته من هدومه وقالت مفيش وقت يلا لاحسن يكونو حراميه وهيعملوا حاجه في الشباب!
عبدالله هز راسه وقفل الباب ونزلوا وهما بيجروا وقبل ما يدخلوا البيت كان هادي وصل وبيسألهم بقلق بتجرو كدا ليه هو حد من الشباب جراله حاجة!
قمر پخوف اتمني بس انا شوفت ناس غريبه طالعين علي فوق فروحت انادي لعبدالله علشان يشوفهم 
عبدالله بص لهادي پخوف وقال هادي اطلع معانا نشوف مين دول 
هادي هز راسه وقال لقمر انا هطلع انا وعبدالله وانتي ادخلي شقتك علشان لو طلعوا فعلا حراميه تكوني في امان 
قمر برفض لا انا هطلع معاكو دول في امانتي ولازم اطمن عليهم 
هادي دخل
ومردش عليها وعبدالله دخل وراه ومسك في هدومه پخوف وهيا قالت بسخرية يا حسره علي الرجاله 
عبدالله بصلها بغيظ ولقي هادي وقف وبيقول انا سامع فعلا صوت دوشه جاية من فوق استنوا كدا انا هطلع انا الاول!! 
قمر بصت لعبدالله وهزت راسها وهادي طلع الاول وهوا بيخبط علي الباب ودقايق وكان خالد الي فاتح الباب! 
هادي اول مشافة قال بضيق وسع كدا 
خالد بعد ان الباب وهادي دخل واټصدم من الي شافه !!
قمر كانت واقفه جمب عبدالله وبصاله وبتقول وانا الي قولت اني هتحامي فيك!
عبدالله لف وشه وقال انا مش عارف بتجيبي الثقة دي منين كل مره علي كدا وانتي عارفه الي فيها!!
قمر بغيظ المصېبه اني عارفه الي فيها يلا اطلع شوف ايه الي بيحصل فوق خلصني!
عبدالله برفض لا اطلعي انتي وانا هطلع وراكي!!
قمر بصوت عالي بقولك اطلع متخلنيش اتعصب عليك!!!!
عبدالله جري علي فوق اول ما سمع صوتها العالي وهيا كانت متبعاه لحدما لاقته واقف بيبص في الشقه وساكت قمر بغيظ هو في ايه هو ليه كل ما واحد يطلع يسكت ومينطقش!
عبدالله مردش عليها فهيا طلعت پغضب علشان تشوف ايه الي بيحصل واول ما دخلت الشقة لقت راجل وست وجمبهم بنت يعتبر مش لابسه اصلا وجمبها واحده نفس شكلها بس علي اكبر قالت پصدمة هو ايه الي بيحصل هنا!!
هادي انتبه ليها ووقف وهيا دخلت وهيا بتبص للناس دي وبتقول انتو مين وايه الي دخلكم بيتي في وقت زي دا!!! 
الناس دي بصولها بإستغراب وبصو لهادي وقالو مين البنت دي يا هادي!
هادي بصلهم پغضب وقال دي قمر صاحبة البيت والي احنا كلما شغالين عندها!
الست والراجل ابتسموا وقالو انسه قمر ازي حضرتك
قمر رفعت حاجبها باستغراب وقالت اهلا وسهلا بس برضوا انتو مين!!
الست قالت انا صافي هانم والدت هادي ودا باباه احمد الچارحي!
قمر بصت علي البنت الي يعتبر لابسه قميص نوم وقالت وانتو مين 
البنت بصوت ناعم انا ساندي ودي مامي شاهي هانم !
قمر بصوت هامس هانم اه وانا برضوا بقول هو جايب التناكه دي منين دي شكل العيله كلها كدا 
قمر بتسأول ايوا مين برضوا 
صافي والدت هادي دي شاهي اختي وساندي بنتها!
قمر بصت لعبدالله بتفكير ورجعت بصت لهادي وقالت تعالوا ورايا الشباب هزوا راسهم وخرجوا وراها 
قمر بضيق واهلك جايين يعملو ايه هنا يا هادي!
هادي بضيقانتي عارفه ان عيلتنا افلست صح 
قمر بيقولوا 
هادي هما دول عيلتي الي افلست!
قمر ايوا برضوا ايه الي جابهم هنا!
هادي هما جايين علشان يقعدوا معانا!
قمر پصدمة يقعدوا فين دي الشقه قد كدا 
محمد مهما حريم برضوا ومينفعش انهم يقعدوا مع رجالة 
قمر پغضب لا طبعا وبعدين انا مش هقبل بكدا اتفضل مشيهم انا مش هقبل انهم يقعدوا هنا !! 
هادي وافق و سابهم وطلع لفوق وهوا بيقول انتو مش قولتوا انكم رايحين هولندا عند خالتو!!! 
خالت هادي هما فعلا يابني جم عندنا بس للاسف اكل چالك هرب وسابني انا وساندي من غير ولا مليم واتضرينا كلنا نرجع مصر وانت عارف اننا مفيش اي مكان نقعد فيه فاتواصلنا مع خالد وهوا قالنا علي العنوان دا وعرفنا انكم عايشين في شقة 
هادي اتعصب لما سمع اسم خالد فقال طيب الحل ايه بق احنا اصلا كلنا كدا عايشين في الشقه دي واصلا مش مكفيانا والبنت الي تحت دي احنا شغالين عندها في الورشه وكمان هيا صاحبة البيت ولما خلتنا نسكن