بسمه امل البارت 3.4.5.6.7

كي يبث داخلها روح المحارب  
_ أنا عارف إن الخبر كان صدمة بالنسبة لك وبالنسبة لنا كلنا بس أنا عاوزك تبصي للموضوع من الناحية الإيجابية
نظرت إليه بدموع تترقب حديثه فأكمل هو 
_ مش عاوز أشوف نظرة اليأس دي في عيونك يا أمل
وأسترسل بنبرة متفائلة 
_ وما تنسيش إن المړض لسه في المرحلة الأولي زي ما قال لنا الدكتور يعني الأمل في الشفا كبير جدا إن شاء الله
تفتكر ممكن أقوم منه بجد يا أمير 
ولا ھموت زي كل اللي سبقوني بيه كانت تلك جملة بائسة تفوهت بها أمل بنبرة حزينه مټألمة
إبتلع غصة مؤلمة وهتف قائلا بنبرة حماسية 
_ إوعي تفكري بالطريقة المتشائمة دي يا أمل إنت هتتعالجي وهتمسكي بإديكي وأسنانك في الحياة علشاني أنا وكارما
وأمسك كف يدها مشددا عليه بدعم وأردف قائلا  
_إوعديني يا أمل
_________________

في اليوم التالي
ذهبت أمل مع زوجها وبصحبة والدتها وقامت بعمل بعض الفحصات وحدد لهما الطبيب أخذ الجرعات كان تارك إبنته عند والدته فتحرك إلي مسكن والده كي يجلبها بعدما أوصل أمل ووالدتها إلي الشقة
قرع جرس الباب فتحت له شقيقته شيرين وأفسحت له المجال كي يدلف إلي الداخل تحرك وألقي السلام علي والده ووالدته اللذان يجلسان ويبدوا علي وجهيهما التشنج وعدم الإرتياح وكأنهما كانا يتشاجرا
جلس بجانب والدته وتسائل عن إبنته فأخبرته راوية بوجهها الغاضب وهي تشير بكف يدها إلي غرفتها أنها غافيه بالداخل
حول بصره إلى أبية وقطب جبينه وأردف متسائلا بإستفسار 
_ فيه إيه يا بابا مال وشوشكم مقلوبة كده ليه  
هو فيه حاجه حصلت أنا معرفهاش
_مفيش حاجة يا إبني متشغلش إنت بالك وخليك مع مراتك في تعبها كانت تلك جملة تفوة بها مصطفي بإستسلام
قاطعته راوية بنبرة حادة معترضة علي حديث زوجها  
_ لا فيه يا أمير
حول بصره إلي والدته فتسائلت هي مستفسرة بنبرة صارمة 
_ الدكتور حدد لمراتك هتاخد جلسات الكيماوي دي أمتي 
تنهد پألم واجابها بنبرة مستسلمة مهمومة 
_ أول جلسه هتاخدها بعد يومين
تفوهت بنبرة حادة وبدون رحمة أو إنسانية  
_ خلاص يبقا تجيب حاجتك إنت وبنتك وتيجوا تقعد معانا هنا 
قطب جبينة وتسائل مستفسرا 
_ أقعد هنا إزاي يعني ومراتي المړيضة دي أسيبها لمين يراعيها 
أجابته بنبرة حادة وكأن الرحمة نزعت من قلبها وأصبح حجرا  
_ سيبها لأمها وأختها هما أولي بخدمتها وبمصاريفها
هتف مصطفي موجه حديثه إلي زوجته بنبرة حادة 
_ يا راوية إتقي الله في كلامك وخافي ربنا ده أنتي عندك وليه زيها واللي حصل لها ممكن يحصل لبنتك ولأي حد في الدنيا
ڼهرته بقوة قائلة بتشاؤم  
_ فال الله ولا فالك يا مصطفي إنت هتفول علي بنتي يا راجل ولا أيه
وأكملت مفسرة
_ وبعدين الحق ما يزعلش آه هو إبني هيجيب فلوس لمصاريف علاجها دي كلها منين 
حين تحدثت شيرين قائلة بنبرة حقودة كعادتها حينما يكون الحديث عن أمل ويختصها  
_ بصراحة بقا يا بابا ماما معاها حق في كلامها المفروض أخوها ومامتها وأختها يشيلوا مصاريف علاجها هما التلاته بيشتغلوا في وظايف مرموقة ومراتباتهم علي قلبهم قد كده يعني فلوس علاجها مش هتفرق معاهم في أي حاجة لكن هتدمر أمير وتعجزوا باقي حياته
وأكملت راوية علي حديثها قائلة 
_ ده غير إن كل دي أصلا فلوس هتترمي في الأرض يا بنتي
ثم نظرت إلي نجلها الذي يستمع لهما والذهول سيد موقفه وأردفت قائلة بنبرة عديمة الرحمة  
_ متزعلش مني يا أمير بس من أمتي كان مريض السړطان بيصحي ويخف كل الحالات اللي مرت علينا محدش من أصحابها نجي من المۏت
وأخيرا قرر التحدث قائلا بنبرة مستاءة 
_ إنت إيه اللي بتقوليه ده يا ماما أنا مصډوم ومش مصدق الكلام اللي بسمعه منكم ده ده بدل ما تقولي لي أقف جنب مراتك وقويها لحد ما ربنا يشفيها جاية تقولي لي إن فلوس علاجها مهدورة لأن المړض هيخلص عليها 
هتفت قائلة بنبرة خبيثة  
_ وأنا يعني بقولك كده ليه يا أمير مش من خۏفي وحرصي علي مصلحتك وفلوسك اللي شقيان