قصه لحنان حسن الجزءالرابع والخامس والسادس

مش كنتي متزوجة من ابن العمدة 
قلت...ابن العمدة ماټ في ليلة الډخلة
والناس كلها شاهدين علي كدة
واتجوزت بعدها 
من فرغلي ابن مراة ابويا
الي انت وصلتني لبيتة يوم مۏت ابن العمدة
لكن فرغلي..مدخلش عليا من يوم ما اتجوزني
وعشان كدة.....
وقبل ما اكمل كلامي ..وقفني الشاب عن الكلام
وقالي..
خلاص.... خلاص
فهمت
قلت..فهمت ايه 
انا مش زي منتا فهمت خالص
فا رد الشاب
وقالي..
مش مهم انا فهمت ايه
المهم دلوقتي انك مينفعش تخسري دينك ...
لاي سبب من الاسباب
وقومي دلوقتي استغفري ...
وسيبيها لله
وكل مشكلة وليها حل
واكيد هتلاقي حل لمشكلتك
فا استغفرت ربنا
قلت..ونعم بالله
للكاتبة..حنان حسن
وفي اللخظة دي
مد الشاب ايده ليا 
وقالي..
يلا تعالي لما اركبك عشان تروحي بيتك
فا بصيتلة بخجل
وقلت.. عايزة اطلب منك طلب اللهي تتستر
قالي..اطلبي
قلت..
ياريت محدش يعرف السر الي قولتهولك
رد الشاب 
وقالي
انا مسمعتش منك حاجة اصلا عشان اقولها
ويلا بقي عشان التاكسي واقف
وفعلا ركبت التاكسي
لكن قبل ما التاكسي يمشي
ناديت علي الشاب
وسالتة
وقلت..هو انت اسمك ايه
رد الشاب 
وقالي ..
انا اسمي ابراهيم
لكن... الكل البلد بيندهولي
بهيما الخواجة
قلت...عاشت الاسامي يا سي ابراهيم
وقبل ما هيما الخواجة 
يرد عليا
كان التاكسي طلع بيا
ولما روحت علي البيت ..
ودخلت و قعدت مع نفسي
افتكرت بلوتي
وفضلت اعيط تاني
لكن ...المرة دي
افتكرت كلام هيما الخواجة
لما قالي...
ان كل مشكلة وليها حل
وفضلت افكر في حل للمصېبة الي انا فيها
وبعد تفكير طويل
وصلت لحل اخيرا
وهو..
بما اني متجوزة فعلا من فرغلي
فا لو الناس عرفت اني حامل...
مش هيقولوا حاجة 
لانهم عارفين اني متجوزة
الا لو ....
فرغلي فضحني وقال انه مدخلش بيا
لكن... لو فرغلي قال انه دخل بيا
كده المشكلة هتتحل
يبقي دلوقتي الحل عند فرغلي
وبما ان الحمل لسة في اولة...
فا انا ممكن اوهم فرغلي اني حامل منه
واولد في ميعادي
وابقي اقولة...
اني ولدت في السابع مش مشكلة
لكن ازاي اوهم فرغلي انه دخل عليا
هنا مربط الفرس
عشان كدة...
لازم فرغلي
يدخل عليا 
ولو مره واحدة
وساعتها انا ممكن افهم فرغلي اني حملت منه 
لكن ازاي
اخلي فرغلي يرجع للبيت 
واحنا بينا ...وبين بعض
كل المشاكل الي حصلت دي
ده غير القضية الي انا رفعاها
وقررت في اللحظة دي
اني ارجع لفرغلي
ولو لمدة ليلة واحدة
قبل ما المحكمة تحكم بالخلع...
وفضلت استغفر ربنا
واقول..سامحني يارب
انا عارفة اني كده بنيلها ...وبعك الدنيا اكتر
لكن..
اعمل ايه
الحمل الي حصل كان ڠصب عني
و انا استحالة اتحمل الڤضيحة..
والناس في بلدنا مبترحمش
ومكنتش في حل
غير اني
استدرج فرغلي للبيت عندي
بعدما اشتري حبوب مخدرة..
واخدرة ليلة ما هيبات عندي
وبعدما ينام...
الصبح اوهمة انه دخل عليا..
وفعلا...
روحت اشتريت الحبوب م الاجزاخانة
وقررت فعلا اني..اروح لغاية فرغلي....
واستسمحة 
عشان يرجع معايا علي بيتي
وعشان خۏفت من مراة ابويا
بعد الي عملتة معايا..
هي النسوان الي كانوا معاها
مروحتش علي بيتها
لا...
انا انتظرت الوقت الي بيكون فيه فرغلي في القهوة
وروحتله علي هناك
ووقفت بعيد عن القهوة...
وبعتلة عيل صغير
يناديلة
وبالفعل...
جه فرغلي
وهو مستغرب من وجودي جنب القهوة.
فا سالني 
وقال..
خير عايزة ايه
فا عملت نفسي متاثرة
وقلت..
انا قعدت مع نفسي يا فرغلي... وعرفت اني غلطانة
وجاية دلوقتي ندمانة...
وعايزاك ترجع معايا البيت
علي الشروط الي تريحك انت
فا بصلي فرغلي بصة الندل الي بيتحكم
وسالني
وقالي...
انتي بتقولي ارجع بالشروط الي انا اقول عليها
قلت...ايوه طبعا ..
وموافقة علي كل الي هتقولة..
بس ارجع معايا
لاني مبقتش قادرة اعيش من غيرك
فا رد فرغلي
وقالي...
خلاص طالما هرجع علي شروطي
يبقي تكتبيلي كل الي وراكي والي قدامك
بيع ...وشراء
فا فكرت شوية
بدون ما ارد عليه
وقلت لنفسي...
بعدما فرغلي حط الشرط التعجيزي ده
فا لازم اوافق علي شرطة
مؤقتا
لغاية ...
ما استدرجة للبيت ...واوهمة انه دخل عليا 
وبعدها ارجع في كلامي معاه
للكاتبة...حنان حسن
في اللحظة دي
لقيتني بقولة..
انا فلوسي هي فلوسك يا فرغلي...
وعمري كلة ما يغلاش عليك
بس تعالي ارجع معايا البيت
وانا اجيب المحامي واتنازلك عن كل شيئ
فا بصلي فرغلي وابتسم
وقالي..
ماشي يلا بينا
وفعلا..
وركبنا انا ...وفرغلي الميكروباص
ورجعنا فعلا علي البيت بتاعي
وبعدما دخلنا البيت
استاذنت منه...
ودخلت الحمام..
وفي الحمام ...كلمت المحامي...
واتفقت معاه