قصه قصيره

بيقدر يمشي على رجله انما ان شاء الله في الفرح هيكون حاضر
سمير 
ااه اصل انا حاسس كده انه مش موافق على الجوازة دي أصله كان دايما بيدافع عن مروة بنت اخويا وامها مش كده برضو
الحما 
ااه كان بيدافع عنهم اصل بيقول انه مشافش منهم حاجة وحشة أصله عاطفي شوية ومش بيحب قال ايه يظلم حد
عزه 

ماخلاص بقا ياسمير انت هاتفتح تحقيق مع الست ولا ايه ماهي قالت لك انه بعافيه شوية الف سلامه عليه يا ام شريف ربنا يشفيه
الحما 
الله يسلمك ياحبيبتي طيب دلوقتي بقا احنا عايزين نتفق على كل حاجة احنا عندنا الشقه جاهزة من مجاميعه وفيها كل العفش اللي كان هيدخل عليه شريف
عزه 
ااه قصدك تقولي العفش اللي كان هيتجوز عليه اللي ماتتسمي مش كده
الحما 
اه ياحبيبتي بس انتو عارفين ان العفش كله جديد في جديد ومش محتاجين نغير اي حاجة مش كده ولا ايه
ندى 
بس معلش ياطنط انا مش عايزة ادخل على العفش اللي هي اختارته انا عايزة عفش جديد وانا اللي اختارة
الحما 
الله وليه بس ياندي ده انا لسه بقولك ان العفش كله جديد ومش محتاج نغير فيه حاجه خالص
عزه 
خلاص يا ام شريف احنا نمسك العصايه من النص هنشوف لو في حاجه هي اختارتها نغيرها والحاجة اللي شريف مختارها نخليها ماشي
الحما 
ماشي يام ندى وانا مش هتني ليك كلمة ياحبيبتي يلا نبقا نقرا الفاتحه وان شاء الله الخميس اللي بعد الجاي نكتب الكتاب
عزه 
ماشي ياحبيبتي اللي تشوفيه انت رايك ياسمير مش كده صح برضو
سمير 
هاا ااه صح برضو 
وبعدها قروا الفاتحة بتاعت شريف وندى ومرات عمي فضلت تزرغط كتير اوي وماما قالت لي 
ايه ده ده فيه صوت زغاريط جاي من بيت عمك يامروة
مروة 
يمكن عني بيتجوز على مراتة ياماما ههههه
الام 
وهو عمك لو بيتجوز كانت عزه فضلت تزرغط كده دي كان زمانها بتصوت وبترقع بالصوت كمان
مروة 
يااه للدرجة عزه بتحب عمي ومش قادرة تشوفو مع واحده تانية ههههه لا أشك الصراحة
الام 
بتحبه ايه يابنتي هي دي دي بتعرف تحب دي ولا بطيقة هي بس عشان ما بتحبش الا نفسها مش هتوافق عشان مفيش واحدة تاخده منها اصل سمير ده من املاكها
مروة 
أها قولت ليه اومال الزغاريط دي هتكون ليه يلا ياخبر بفلوس بكرة يبقا ببلاش
وبعدها رجعت حماتي وشريف البيت وهما بيضحكو وبيهزرو وحامد كان مستنيهم وقال لهم 
الله الله ده الضحك والهزار ده وراجعين كده في نص الليل ايه كنت فين كده
الحما 
كنا نخطب لابنك ياراجل ما انت انا روحت بقا انا وابني حبيبي وخطبت له بنت عم اللي ماتتسمي وبقينا نسايب الناس الكمل مش الناس اللي تعررر
حامد 
لا حول ولا قوة الا بالله انتي برضو ياوليه عملتي اللي في دماغك ورحتي خطبتي له بنت عم البنت والله حرام عليكي كده
الحما 
حرمت عليها عيشتها ياحامد ماتكون الا مروة وامها دول ياخويا سيرتهم على كل لسان انت كنت عايز تناسب واحده ماشية على حل شعرها هي وبنتها
حامد 
عيب كده ياوليه كلامك عن الناس ده الله اعلم بكل واحد وبعدين الست عمرنا ماشوفنا منها حاجة وحشة لا هي ولا بنتها
الحما 
بقولك ايه انا سمعت بوداني وعرفت انهم كده ايه هنكدب الناس كلها ونصدقهم هما
حامد 
وانت ياشريف هي امك تقول لك تعالي اخطب لك تروح كده وخلاص معاها من غير ماتعرف اذا كنت هترتاح معاها ولا لا
شريف 
ماهي يابابا ندى بنت كويسة وابوها وامها كمان
حامد 
ماشي انت حر يابني خليك ماشي ورا امك لحد ماتغرقك 
وسابهم ودخل اوضتة وامه قالت له سيبك منه ياحبيبي بكرة هتبقا