قصه كامله زواج بالاتفاق

عشان نكمل لان الفرصه دى مش هتتعوض 
_ وبعدين دورى اسأل بقا
اسأل ي سيدي
_ نفسك تحققي اي ف حياتك
البس النقاب واتم حفظ القرآن وحقيقي بعد دول مش محتاجه اي حاجه من الدنيا تانى
_ هتحققيهم ان شاء الله طب انتى ليه ملبستيش النقاب
ماما مكانتش موافقه وكانت رافضه عشان جو العريس والحجات التافهه دى 

_ هتلبسيه ان شاء الله ها اسالي
نفسك تعمل اي دلوقتي
_ كده
يونس
_ همممم
ردت بخجل انت بتعمل اي
_ لا ي حبيبتي هو سؤال واحد دورى انا ده 
زعلتي اننا معملناش فرح
لا عادي اصلا كنت خاېفه من حوار الفرح ده لان كنت هحبه اسلامي ومكنش حد هيرضى ف احسن انه متعملش يعنى
_ تمام اسالي
نفسك توصل لايه
_ لقلبك
ها !!
_ النور جه
تت.. تمام انا هقوم بقا
_ خليكي نلعب شويه
امممم ارشيني
رديت وانا بقرب عليها _ عنيا
ضړبتني ف كتفى والله العظيم اقوم
_ خلاص ي ستي بهزر معاكي
ردت بزعل تمام
_ ي مي والله كنت بهزر انا اسف ي ستي خلاص والا هسميكى مي القماصه
خلصانه ي شق
_ شق
انت بتبص بارف كده ليه ي جدع انت خلاص مكانتش كلمه دى
_ طب يلا نكمل
اسال طيب
_ ممكن تحبيني
انا مش بكرهك ي يونس
_ بس مش بتحبينى
ولا انت بتحبني
_ مين قال
انت مقولتش
_ مش فاهم
يعنى انت مقولتش عكس كده وبعدين احنا اتفقتا اننا صحاب
_ صح اسالي انتي بقا
امممم احم بص لو هتزعق ع السؤال ده بلاش
_ امممم ابهرينى ومتقلقيش مش هزعق
احم يعنى كنت هتدفعني حق القلم ازاى خاصه اننا بقينا صحاب ومفيش اي حاجه وحشه حصلت منك ليا ابدا لحد دلوقتي
_ احم ينفع مجاوبش
ردت بهمس كالعادي سمعته 
رخم والله
_ بتقولي حاجه ي مي
ردت بابتسامه سمجه تدارى بيها غيظها
سلامتك ي غالي
ضحكت بصوت عالي ع غيظها ال باين من عنيها بس قبل م اكمل لقيتها بتغيظنى هي
_ الا ي يونس ي اخويا مش فيه عقاپ لل ميجوابش ع السؤال
رديت وانا خاېف من عقابها ومن االخبث ال بينط من عينها
احم ايوه
_ طب انا عايزاك تنزلي 100 ضغط دلوءتشي وف ربع ساعه كمان
متهزريش ي مي
_ مبهزرش والله ي كريزما مش انت مربيلي عضلات وجيم والجو ده بقا قوم يلا ولا هو اشتراك الجيم بيروح عليك وعضلاتك دي نفخ
نفخ ي بيئه
_ شوف بيبص بارف ازاى يجدع والله لسه واخده دش النهارده يعني ريحتي مش وحشه لرياكشنات وشك ده
انا ببص بارف عشان كلامك ي سوابق انتى
_ هيفضل بقا يقولى سوابق عشان ميعملش ال 100 ضغط مش قولتلك نفخ
قبل م تخلص كلامها كنت قلعت التيشرت ونزلت فعلا عشان اعمل الضغط وتقريبا خلصتهم قبل الوقت ال هي محدداه عشان ملامحها ال باين عليها الانبهار ده.. 
_ مطلعتش لا فستك ولا نفخ اهو
لا لا عاش ي كريزما
_ كريزما بيه ي ضعيفه
شوف هيذلنا بعضلاته ازاى
_ حصل
طب البس تيشرتك عشان متاخدش برد
رديت وانا بقرب عليها وبغمز بعيني بخبث
_ خاېفه عليا
ردت بارتباك انا... انا هقوم اصلي بقا
رديت بعد م لبست التيشرت فعلا 
_ طب والله خاېفه عليا وبعدين تصلي اي انتي صليتى العشاء
أيوه انا هصلي القيام
_ اى صلاه القيام دى
ردت وهى بتقعد قدامى ف محاوله منها انها تفهمنى بالراحه وال عمرها م فشلت ف ده 
بص ي سيدى صلاه القيام دى بتبقى ف الثلث الاول من الليل يعنى من اول الساعة 12 كده وف ناس بتصليها بعد العشاء عادى بس الافضل تاخرها صلاه القيام دى بټخطف فيها وقت مع ربناا تحكيله وتشكيله كل ال جواك بتختلف مع باقي الصلوات ان الناس نيام انت وربنا سبحانه وتعالي وبس محدش شايفك غيره بتغالب شيطانك ال بيقولك نام وانت تقوم تصلي البيت ال بيبقى فيه حد بيصلي قيام بيظهر للملائكه زى النجوم ف السما 
ربنآ سبحانه وتعالي بيقول والذين يبيتون لربهم سجدا وقياما  
كمان الرسول عليه الصلاة والسلام كان بيصلي قيام الليل لحد م رجله تورم عشان كده ربنا سبحانه وتعالي انزل سوره طه 
طه ما انزلنا عليك القرآن لتشقى معظم الناس مفكره ان طه ده اسم مع انه فعل امر بمعنى اجلس 
ربنا سبحانه وتعالي نزل الايات دى لما الرسول كان بيفضل يصلي وهو واقف وميرضاش يقعد ف ربنا حب يخفف عنه
_ فهمت ي ست البنات طب بتتصلي ازاى
احم عادى بص هي صلاه القيام بتقاس بعدد الايات مش بعدد الركعات
يعنى مثلا لو صليت بعشر ايات لا تكتب من الغافلين ف اليوم ده
لو صليت بميه ايه تكتب من القانتين 
لو صليت بالف ايه تكتب من المقنطرين
وكلها درجات عن ربنا سبحانه وتعالي كمان ال متعود ع قيام الليل لو ف يوم مصلاش الملائكه بتفضل تحلق فوق بيته وتدعيله لو تعبان ربنا